РӘСМИЙ МҮНӘСИБЕТ

• 50
• 15-June-2023

РӘСМИЙ МҮНӘСИБЕТ

Социаллық тармақларда Нөкис қаласы “Қутлы макан” МПЖ Атакөл көшеси №10 үйге үш белгисиз пуқаралар 100 жақын тереклерди шаўып тасланған” мәнисинде материал тарқалды.

Қарақалпақстан Республикасы Экология комитети Нөкис қаласы бөлими тәрепинен “Қутлы макан” МПЖ аймағындағы Атакөл көшеси 10-жайда бир неше жыллардан бери көклемзарластырып диаметри ҳәр қыйлы болған мийўели терек нәллерин егип келген.

Мүрәжаатты үйренгенде өсип турған диаметри ҳәр түрдеги жәми 49 дана ақ терек ҳәм 3 дана мийуели тереклерди 2023-жыл 15-июнь сәнесинде белгисиз пуқаралар тәрепинен ҳеш қандай рухсатсыз өз басымшалық пенен шаўып кеткенлиги анықланып, тәбиятқа 22 млн 770 мың сум зыян есапланды.

Нызам бузыўшылық ҳәрекет бойынша тийисли ҳүжжетлер рәсмийлестирилип, бул тереклер ким тәрепинен шаўылғанлығын анықластырыў ушын Ишки Ислер Министрлигине жиберилди.

Дерек: Қарақалпақстан Республикасы Экология комитетиниң мәлимлеме хызмети

Нөкис қаласы ҳәкимлиги Мәлимлеме хызмети

Каналға ағза болыў: https://t.me/nukuspress