Жаналыклар







ХАЛЫҚАРАЛЫҚ БАСПАСӨЗ ОРАЙЫ ҚАРАКАЛПАҚСТАН БӨЛИМИНДЕ НӘЎБЕТТЕГИ БАСПАСӨЗ ӘНЖУМАНЫ БОЛЫП ӨТТИ

ХАЛЫҚАРАЛЫҚ БАСПАСӨЗ ОРАЙЫ ҚАРАКАЛПАҚСТАН БӨЛИМИНДЕ НӘЎБЕТТЕГИ

БАСПАСӨЗ ӘНЖУМАНЫ БОЛЫП ӨТТИ

Бүгин, 5-октябрь күни пайтахтымыздағы «Жаслар орайында» болып өткен бул Баспасөз әнжуманында Өзбекстан Республикасы Олий Мажлиси Нызамшылык палатасы, Қарақалпақстан Республикасы Жоқарғы Кеңеси, Халық депутатлары қала ҳәм районлық Кеңеслери сайлаўларына таярлық процеси ҳәм сайлаў нызамшылығындағы үгит-нәсият мәселелери додаланды.

Баспасөз әнжуманында Қарақалпақстан Республикасы Орайлық сайлаў комиссиясы баслығы Е.Джуманазаров, «Юксалиш» улыўмамиллий ҳәрекети Қарақалпақстан Республикасы бөлими баслығы Б.Қурбанов, Қарақалпақстан Республикасы Әдиллик министрлиги бөлим баслығы А.Өтеўлиев, Халықаралық Баспасөз орайы Қарақалпақстан бөлими баслығы А.Ембергенов, сондай-ақ, сииясий партиялардың ҳәмде ғалаба хабар қуралларының ўәкиллери қатнасты.

Әнжуманда сөзге шыққанлар тийкарынан ҳәзирги күнде республикамызда алып барылып атырған сайлаў нызамшылығы айлығынын мазмун-мәниси, сайлаў компаниясы дәўириндеги тийкарғы ўазыйпалар ҳәм бул процессти жарытыўда ғалаба хабар қураллары хызметкерлериниң орны ҳаққында кең түрде айтып өтти. Атап өтилгениндей, бүгинги күнде сайлаў комиссиясы ағзалары әдиллик уйымларының қәнигелери менен биргеликте мәҳәллелерде, кәрханаларда ҳәмде барлық буўындағы билимлендириў мәкемелеринде сайлаўшылар менен сайлаў нызамшылығындағы жаңалықлар бойынша ушырасыўлар, дөгерек сәўбетлери, брифинглер өткерилип келинбекте, ғалаба хабар қуралларында бир қанша видеороликлер жәрияланбайта...