Жаңалықлар







Сенатор халықтың машқалаларын тыңлады

Бүгин, 27-апрель күни Нөкис қаласындағы Өзбекстан көркем өнер академиясы жанындағы Қарақалпақстан Республикасы қәнигелестирилген көркем өнер мектебинде қала ҳәкимлиги тәрепинен «Жийдели байсын» ҳәм «Әмиўдәрья» мәкан пуқаралар жыйынларында жасаўшы пукаралар менен ушырасыў өткерилди.

Ушырасыўда Олий Мәжилиси Сенаты ағзасы, сенатор Г.Аннақиличева бүгинги күнде мәмлекетимизде әмелге асырылып атырған жумыслар, нызамшылықтағы жаңалықлар менен бирге, Өзбекстан Республикасы Олий Мәжилиси Сенаты Кеңесиниң 2021-жыл 15-март күнги «Үй-жай қурылыс ҳәм ипотека базарын раўажландырыўға тийисли әҳмийетли ўазыйпалардың әмелге асырылыўы үстинен парламент ҳәм жәмийетшилик қадағалаўын күшейттириў ҳаққында»ғы КҚ-203-IV-санлы қарарына муўапық, шѳлкемлестирилген  «Халықпарвар» комиссиясы жумысы ҳаққында түсиник берип өтти.

Буннан соң пуқаралар өзлерин қызықтырған сораў ҳәм усынысларын билдирди. Оларға сенатор ҳәм Нөкис қаласы ҳәкиминиң орынбасары П.Кудияров ҳәм тийисли тараў  ўәкиллери тәрепинен жуўаплар берилди. Ушырасыўда 25 пуқараның мүрәжаты тыңланды. Онда аймақтағы айрым көшелерде жасаўшы шаңарақларды сўу менен тәмийинлеў, турақлы жумыс орны, ишки жолларды асфальтлаў, соныӊ менен бирге басқа да социаллық мәселелер орын алды.

Ушырасыў даўамында билдирилген мүрәжатлар тийисли тәртипте үйренилип шығылып, ҳуқықый мәсләҳәтлер берилди. Жумыссыз пуқаралар дизимге алынды. Мүрәжатлардыӊ орынланыўы бойынша қадағалаўға алынды.

Нөкис қаласы ҳәкимлиги Мәлимлеме хызмети