Жаналыклар







ҚАРАТАЎ МӘКАН ПУҚАРАЛАР ЖЫЙЫНЫНДА КОНЦЕРТ БАҒДАРЛАМАСЫ (+фото)

ҚАРАТАЎ МӘКАН ПУҚАРАЛАР ЖЫЙЫНЫНДА КОНЦЕРТ БАҒДАРЛАМАСЫ

Ҳүрметли Президентимиздиң басламасы менен пайтахтымыз Нөкис қаласының шетки аймақларының бири болған «Қаратаў» мәкан пуқаралар жыйыны быйылғы жылда «Абат мәҳәлле» бағдарламасына киритилген еди. Өткен дәўирде усы бағдарлама тийкарында бул аймақта кең көлемли қурылыс ҳәм абаданластырыў жумыслары барылып, онда қаламыздағы бәрше мәкеме-кәрханалардың хызметкерлери белсендилик пенен қатнасты.

 

Жақында усы мәкан пуқаралар жыйыны турғынлары ҳәм бул аймақта «Абат мәҳәлле» бағдарламасы шеңберинде алып барылган қурылыс ҳәм абаданластырыў жумысларында белсендилик пенен қатнасқан бәрше тараў хызметкерлерине миннетдаршылық билдириў мақсетинде Республикамыз көркем өнер шеберлериниң гала концерт бағдарламасы қойып берилди.

Концерт бағдарламасы даўамында Өзбекстан Республикасы Президенти Администрациясы ҳәм Республика Ҳүкимети ўәкиллери, Нөкис қаласы ҳәкими ҳәм басқа да тийисли тараў басшылары сөзге шығып «Абат мәҳәлле» бағдарламасы шеңбериндеги ўазыйпаларды нәтийжели әмелге асырыўда белсендилик көрсеткен бир қатар тараў хызметкерлерин Ҳүрмет жарлықлары ҳәм қымбат баҳалы саўғалар менен сыйлықлады.