Жаңалықлар







“Гүзар” мәкан пуқаралар жыйыны жаслары менен ушырасыў

Усы өткерилген ушырасыўда қала ҳәкиминиң жаслар сиясаты, социаллық раўажландырыў ҳәм руўхый-ағартыўшылық мәселелери бойынша орынбасары Ж.Абдижамилов, Өзбекстан Республикасы Президентиниң Нөкис қаласындағы Халық қабыллаўханасы баслығы А.Балтабаевлар шығып сөйлеп, елимизде жасларымызға   қаратылып атырған итибар ҳәм оларға жаратылып атырған шараят ҳәм имканиятлар, жаслардың бәнтлигин тәмийинлеў бойынша кең көлемли жумыслар, исбилерменлик пенен шығылланыў мәселесиндеги ис-илажлар ҳаққында түсиник берди.

Буннан соң усы аймақ жаслары  өзлериниң қызықтырған сораўлары менен бирге келип шығып атырған машқалалары бойынша да пикир-усынысларын билдирди. Бунда тийкарынан исбилерменлик пенен шуғылланыў ушын жасларға берилип атырған жеңилликлер ҳәм бәнтлик мәселелеринде мүрәжат етти.

Көшпели қабыллаў тәризинде өткерилген ушырасыўда Нөкис қаласы халық бәнтликке көмеклесиў орайы, акционерлик коммерциялық банклерден ўәкиллер қатнасып, жаслар арасында ушырасып атырған машқалалардың шешимин табыў бойынша тийисли илажлар көрилетуғынлығы ҳаққында анық ўазыйпаларды белгилеп алды.