Жаңалықлар







Жигирма алтыншы сессия болып өтти

Бүгин 25-март күни Халық депутатлары Нөкис қалалық Кеңесиниң гезектеги жигирма алтыншы сессиясы болып өтти. Сессия жумысына Халық депутатлары Нөкис қалалық Кеңесиниң депутатлары, қала ҳәкими орынбасарлары ҳәм сектор басшылары қатнасты. Сессияны Халық депутатлары Нөкис қалалық Кеңеси баслығының орынбасары Т.Дошекенов басқарып барды. Сессияда күн тәртибиндеги биринши мәселе бойынша Нөкис қалалық сайлаў комиссиясының баслығы Қ.Нуратдиновтың мәлимлемеси тыңланды. Өзбекстан Республикасы Олий Мажлиси Сенаты Кенесиниң «Халық депутатлары жергиликли Кеңеслери жумысларына байланыслы үлгили ҳүжжетлерди тастыйықлаў ҳаққында» (2020-жыл 11-декабр күни КҚ-161-IV-санлы) қарар қабыл етилген еди. Усы қарар талапларына муўқапық, Халық депутатлары Нөкис қалалық Кеңеси секретариаты баслығы лаӯазымына талабанлар арасынан Хожамуратов Улуғбек Тәжибаевичтың талабанлығы депутатлар тәрепинен дауыс бериу жолы менен мақулланды. Күн тәртибиндеги үшинши мәселе Нөкис қалалық “Сақаўат ҳәм көмек” қорына түскен қаржыларды мақсетли ҳәм мәнзилли жумсау ҳаққында болып, бул бойынша Нөкис қаласы ҳәкиминиң орынбасары – Мәҳәлле ҳәм шаңарақты қоллап-қуўатлаў бөлими баслығы А.Бекмуратовтың, төртинши мәселе Мәҳәлле ҳәм шаңарақты қоллап-қуўатлаў бөлими баслығы орынбасары, депутат Г.Абибуллаеваның Нөкис қалалық “Ҳаяллар дәптери”не киритилген ҳаял-қызларды қоллап-қуўатлаў қорына түскен қаржыларды мақсетли ҳәм мәнзилли жумсаў бойынша баянатлары тыңланды. Кейинги мәселе бойынша Нөкис қаласы ҳәким орынбасары Р.Ибрагимов қала аймағында 2021-жылда мәкан пуқаралар жыйынларының архитектуралык көринисин жақсылаӯ, инженерлик коммуникация ишки жоллар ҳәм абаданластырыӯ жумысларын әмелге асырыӯ ис-илажлары ҳаққында шығып сөйледи. Күн тәртибиндеги алтыншы мәселе бойынша да депутатлар тәрепинен додаланып, Нөкис қаласы ҳәкимлиги жанындағы техникалық инспекция бөлиминиң усынысы бир ауыздан мақулланды. Жоқарыдағы қарап шығылған мәселелер бойынша Нөкис қаласы ҳәкими У.Панаев қатнасты ҳәм қаралған мәселелер бойынша өз пикир-усынысларын билдирди. Сессия жуӯмағында депутатлар тәрепинен күн тәртибиндеги мәселелер бойынша тийисли қарарлар қабыл етилди.