Жаңалықлар







Халық депутатлары Нөкис қалалық Кеңесиниң гезектеги сессиясы болып өтти

Бүгин, 19-февраль күни Нөкис қаласы ҳәкимлигинде өткерилген Халық депутатлары Нөкис қалалық Кеңесиниң гезектеги жигирма бесинши сессиясында  Қарақалпақстан Республикасы Жоқарғы Кеӊесиниң депутатлары, Халық депутатлары Нөкис қалалық Кеңесиниң депутатлары, ғалаба хабар қураллары ўәкиллери, ҳәкимликтыӊ жуўаплы хызметкерлери ҳәм де бир қатар мәкеме, кәрхана басшылары қатнасты.

Сессияда Нөкис қаласы аймағынан жаңадан “Алтын жағыс”, “Аманлық гузары” ҳәм “Узын көл” мәкан пуқаралар жыйынларын шөлкемлестриў бойынша Нөкис қаласы ҳәкиминиң орынбасары – Мәҳәлле ҳәм шаңарақты қоллап-қуўатлаў бөлими баслығы орынбасары Г.Абибуллаева шығып сөйлеп,  Нөкис қаласы аймағында  «Телеорай»,  «Алланияз Қаҳарман» ҳәм «Жолшылар» мәкан пуқаралар жыйынларының жайласыўы ҳәм халық санының  8 мыңнан  аслам екенлигин  инабатқа алып, бул мәкан пуқаралар жыйыларын екиге бөлиў мәселеси ҳаққында мағлыўмат берди. Халық депутатлары Нөкис қалалық Кеңеси депутатларына қаладағы «Телеорай» МПЖда «Алтын жағыс», «Жолшылар» МПЖда  «Аманлық гүзары» ҳәм «Алланияз Қаҳарман» МПЖ да «Узын көл»  мәкан пуқаралар жыйынларын шөлкемлестириў бойынша қарар жойбарын тастыйықлаўды усыныс етти.

Сондай-ақ, сессияның күн тәртибине көре онда “Жасларды қоллап-қуўатлаў ҳәм халықтыӊ саламатлығын беккемлеў жылы”нда әмелге асырыўға байланыслы мәмлекетлик бағдарламасыныӊ орынланыўы үстинен депутатлық қадағалаўды әмелге асырыў, Нөкис қаласы бойынша аўыл хожалығы ушын мөлшерленбеген жерлер ушын юридикалық ҳәм физикалық тәреплер бойынша (дийқан хожалығын жүритиў ушын берилген аўыл хожалығына мөлшерленген жерлерден тысқары) бирден-бир муғдарларда белгиленген базалық салық ставкаларына киритилип атырған кемейттириўши ҳәм асырыўшы коэффицентлерди қолланыў мәселелери қарап шығылды.  

Қарап шығылған мәселелер бойынша депутатлар ҳәм тийисли тараў басшыларының мәлимлемелери тыңланды, бул бойынша тийисли қарарлар қабыл етилди.

Нөкис қаласы ҳәкимлиги Мәлимлеме хызмети