Жаңалықлар







«Мәҳәллебай» кесиминде жумыслар алып барылмақта

Өзбекстан Республикасы Президенти тəрепинен 11-ноябрь күни қабыл етилген «2020-2023-жылларда Қарақалпақстан Республикасын комплексли социаллық-экономикалық раўажландырыў илажлары ҳаққында»ғы ПҚ-4889-санлы қарарында Нөкис қаласы бойынша 6 мәкан пуқаралар жыйынлары: «Жаңа базар», «Қос-көл», «Тунғыш қоныс», «Телеорай»,«Қызыл қум», «Боз аўыл» МПЖ аймақлары аўыр жағдайдағы  аймақлар сыпатында киргизилген.

Бүгин, 18-февраль күни «Жаңа базар» МПЖ аймағын абат мәҳәллеге айландырыў, «Мәҳаллебай» кесиминде үйрениў жумысларын алып барыў мақсетинде Нөкис қаласы ҳәкимлиги тийисли тараў басшылары менен бирге аймаққа барып, турғынларды қыйнап жүрген машқалаларды анықлаў, оларға көшпели хызметлер көрсетиў бойынша әмелий жумыслар баслап жиберилди.  Нөкис қаласы ҳәкими орынбасарлары ҳәм тийисли тараў қәнигелери тәрепинен үйме-үй жүрилип, машқалалар үйренилди, тийисли тәртипте түсиниклер берилди.

Сондай-ақ, аймақта жайласқан 45-санлы улыўма орта билим бериў мектебине оқыўшылардың қатнаўы ушын қосымша жол қурыў жумыслары алып барылмақта.

Нөкис қаласы ҳәкимлиги Мәлимлеме хызмети