Жаңалықлар







Тазаланған «Шар базар»

Телеграм социаллық тармағындағы каналлардың биринде Нөкис қаласы «Ели абат» мәкан пуқаралар жыйыны аймағындағы хожалық буйымларын сатыўшы базар аймағындағы топланған шығындылар ҳаққында «Народная лечебница» ямаса халық емлеўханасы атамасында хабар  жәрияланды.

Буннан соң мәселе бойынша Экология ҳәм қоршаған орталықты қорғаў тараўындағы қадағалыў бойынша Нөкис қаласы инспексиясы инспекторлары тәрепинен усы аймаққа жуўапкер исбилермен менен байланысып, түсиндириў жумыслары алып барылған. Нәтийжеде аймақ тазаланған.

Бүгин, 16-февраль күни Нөкис қаласы ҳәкимлигиниң Мәлимлеме хызмети, инспекторлар менен биргеликте  бул аймаққа барып, аймақтың ийеси болған исбелерменниң жумыс жургизиўшиси не келешекте аймақта шығындылар топланыўыниң алдын алыў ҳәм  буның ушын жаратылыўы тийис болған шараятлар ҳаққында  түсиник берилди.

Нөкис қаласы ҳәкимлиги Мәлимлеме хызмети