Жаңалықлар







«Жаслар: 1+1» бағдарламасы әмелде

Мәмлекетимизде жаслардың исбилерменлик басламалары, стартаплары, идеяларын жүзеге шығарыўға көмеклесиў ҳәм қоллап-қуўатлаў, бәнт болмаған жасларды мийнет базарында талап жоқары болған қәнигеликлер ҳәм исбилерменли жүргизиў көнликпелерине оқытыў «Жаслар: 1+1» бағдарламасы шеңберинде бир қатар илажлар әмелге асырылмақта. 25-27 январь күнлери Нөкис қаласындағы “Жаслар орайы”нда исбилерменлигин баслаў нийетин билдирген жаслар ушын шөлкемлестирилген оқыў-семинар ҳәм усы семинарда алған билимлери нәтийжесинде пайтахтымызда да бир неше жаслар өзлериниң бәнтлигин тәмийинлеп, шаңарағына қосымша дәрамат келтирип атыр.

Сондай жаслардан бири  Нөкис қаласы «Нур» МПЖда жасаўшы А. Қосымбетова. Оған «Микрокредит» банк тәрепинен жеңиллетилген 8 млн. сўм кредит ажыратылып, ол бул қаржыға тигиў машинасына ийе болды.  

- «Тигиўшилик сырларын балалығымнан қызығып, үйрендим. Қурақ көрпеше ҳәм көпшиклерди ески тигиў машинам менен тигип атыр едим. Таза тигиў машинаға мүтәжлигим бар еди. Кредит есабынан алған бул машинам өзиме ҳәм, келип атырған буйыртпалардыда өз ўақтында сапалы ҳәм шырайлы қылып питкериўге хызмет етеди», - дейди А. Қосымбетова.

Нөкис қаласы ҳәкимлиги Мәлимлеме хызмети