Жаңалықлар







Болажақ жеке исбилерменлер менен сәўбетлесилди

Бүгин, 15-февраль күни қала ҳәкимлигинде Өзбекстан Республикасы Президентиниң 2018-жыл 27-июнь күнги “JASLAR-KELESHEGIMIZ” Мәмлекетлик бағдарламасы ҳаққындағы 5466-санлы пәрманына тийкар, қаладағы бос турған жерлерди ажыратыў бойынша 15 жеке исбилерменлер менен ашық сәўбетлесиў өткерилди. Онда ҳәр бир жас исбилермен Нөкис қаласы ҳәкими У.Панаевқа алдағы ўақытлар  әмелге асырмақшы болған бизнес жойбары, оны әмелге асырыў механизми  ҳаққында мағлыўмат берди.

 Түрли тараўларда қала халқына хызмет көрсетиўине бағдарланған жойбарлар арқалы жас исбилерменлер тигиушилик, шаштәрезхана, кондитер өнимлерин ислеп шығарыў, машина оңлаў ҳәм жуўыў орны ҳәм тағы басқа хызметлер түрлерин  көрсетиўди мақсет еткен.

  • «Казақстан Республикасына барып 2 жыл даўамында машина оңлаў бойынша  жумыс иследим. Енди Нөкис қаласында  усындай хызмет көрсетиў орайын ашыўды мақсет еткенмен. Бул орай иске түссе, 5 жасты турақлы жумыс пенен тәмийинлеймен», - дейди А. Тилеўов.

Нөқис қаласы ҳәкимлиги Мәлимлеме хызмети