Жаңалықлар







Мәмлекетлик бағдарламаның мазмун-мәниси түсиндирилмекте

 

Бүгин, 12-февраль күни Нөкис қаласынадағы 12-санлы Әмет бақсы атындағы балалар музыка ҳәм көркем өнер мектебинде Өзбекстан Республикасы Олий Мажилиси Сенаторы Г.Аннақличева, Олий Мажилис Нызамшылық палатасы депутаты  Л.Сейтова, Қарақалпақстан Республикасы Жоқарғы Кеӊеси депутаты А.Реймов, сектор басшылары, бир қатар кәрхана, мәкеме басшылары ҳәм депутатлар қатнасында ушырасыў болып өтти.  

Ушырасыўда баянатшылар Сенаттың он екинши жалпы мәжилисинде көрип шығылған мәселелер, 2017-2021-жыллары Өзбекстан Республикасын раўажландырыўдың бес тийкарғы бағдары бойынша ҳәрекетлер стратегиясын «жасларды қоллап-қуўатлаў ҳәм халықтың саламатлығын беккемлеў жылы»нда әмелге асырыўға байланыслы мәмлекетлик бағдарлама ҳаққында түсиник берди.

Бунан соң, ушырасыўда қатнасқан қала турғынлары бир неше сораў, усынысларын билдирип сенатор ҳәм депутатларға мүрәжат етти. Оларда бәнтлик, бир мәртелик социаллық жәрдем алыў, жеңиллетилген кредитлер алыў ҳәм тағы басқа мәселелер орын алды. Ушырасыўдың озинде ҳәр бир мүрәжат бойынша пуқараның сораўына жуўап берилди ҳәм де қосымша үйренип шығыўды талап ететуғын мүрәжатлар бойынша жазба түрде тийисли мәкемелер тәрепинен жуўаплар берилетуғын болди.

Нөкис қаласы ҳәкимлиги Мәлимлеме хызмети