Жаңалықлар







«Боз аўыл» турғынлары саяхатта

Нөкис қаласы ҳәкимлиги Өзбекстан “Миллий тикланиш” демократиялық партиясы Нөкис қалалық бөлими менен биргеликте ишки туризмди раўажландырыў мақсетинде кем тәмийинленген, жалғыз баслы, бағыўшысы жоқ, руўхый түскинликке түскен ҳаял-қызлар ҳәм белсенди жаслар қатнасында 10-12-феврлаь күнлери Самарқанд қаласының тарийхый орынларына саяхат шөлкемлестирилди.

Бүгин Нөкис қаласы «Боз аўыл» мәкан пуқаралар жыйынында жасаўшы  «Темир дәптер» ҳәм «Ҳаяллар дәптер»ине киритилген отыздан артық пуқараларды өзине қамтып алған бул саяхат даўамында саяхатшылар Самарқанд қаласындағы дүньяға белгили Имам Аль-Бухарий, Әмир Темур, Бийбиханым, Мырза Улығбек, Хожа Данияр, мәмлекетимиздиң биринши Президенти И.А.Каримов жерленген зыярат орынларында болды.

  • Буннан бир неше жыллар бурын өмирлик жолдасымнан айырылып, 6 бала менен қалдым. Бирақ, ҳүкиметимиз, қала берсе, Журтбасшымыз өз ғамхорлығына алып, бизлерге социаллық жақтан жәрдемин көрсетип, ҳәр тәрепилеме қоллап-куўатламақта. Мине бүгин Самарқанд қаласына да келип, бул жердеги тарийхый орынларды өз көзимиз бенен көрип, улке тәсирлерге бөленбектемиз. Буның ушын  Нөкис қаласы ҳәкимлигине, Қарақалпақстан Республикасы Транспорт министрлигине, “Миллий тикланиш” демократиялық партиясы белсендилерине өз миннетдаршылығымды билдиремен» - дейди «Боз аўыл» МПЖ турғыны Т.Ражапов.  

Саяхатшылар ҳәзирги ўақытта дүньяға белгили Улығбек обсерваториясы, Регистан майданын тамашаламақта.

Нөкис қаласы ҳәкимлиги Мәлимлеме хызмети