Жаңалықлар







«Нөкис дийқан базары»ндағы ярмаркада мәйек баҳасы 900 сўмнан басланады


Усы жылдыӊ 24-декабрь күнинен баслап Нөкис қаласы ҳәкимлиги тәрепинен исбилерменлердиӊ басламасы менен Жаңа жыл байрамында қала турғынларына қолайлықлар жаратыў мақсетинде қаладағы үш орында «Нөкис дийқан базары», Хожан аўыл елаты «Қутлы мәкан» мәкан пуқаралар жыйыны ҳәм 27-киши район аймағында байрам ярмаркалары шөлкемлестирилди.Ярмаркалар ҳаққында Нөкис қаласы ҳәкимлиги ғалаба хабар қураллары, социаллық тармақлар арқалы да қала турғынларын буннан хабардар етиў мақсетинде ҳәкимликтиӊ телеграмм каналы арқалы  ярмарка ҳаққында постлар жайғастырылды.

26-декабрь күни «Makan.uz» информациялық сайтыныӊ телеграмм каналында: «Нөкис дийқан базары»нда Жаңа жыл байрамы мүнәсибети менен  шөлкемлестирилген  байрам ярмаркасында 900 сўмнан мәйек, соның менен бирге, ярмаркада өнимлерди банк пластик картасына сатып алыўдың имканы жоқ екенинлиги туўралы пост жәрияланды.

Бул мәселени үйренип шығыў мақсетинде 28-декабрь күни қала ҳәкими  Нөкис қаласы мәмлекетлик салық инспекциясына ҳәкимликтыӊ мәлимлеме хызмети менен биргеликте «Нөкис дийқан базары»нда үйрениў жумысларын алып барыў бойынша тапсырмалар берди. Бүгин ярмаркада саўда ислеп атырған сатыўшыларда «Uzcard» ҳәм «Humo» толеў терминаллары менен тәмийинленгенлиги ҳәм олар арқалы қарыйдарларға хызметлер көрсетилиўи, өнимлердиӊ баҳасын нызамсыз түрде асырылыўыныӊ алдын бойынша тийисли тәртипте үйренип жумыслары алып барылды (видеодағы көринис).

 «Тилекке қарсы, сатыўшылар арасында түрли бәнелер менен төлем терминаллары арқалы хызмет көрсетиўден бас тартыў жағдайлары да ушыраспақта. Базар аймағында бундай жағдайлардыӊ алдын алыў ушын салық инспекция тәрепинен ҳәр күни инспекторлар ярмаркаға бириктирилген болып, ярмаркада әмелге асырылып атырған саўда-сатық қатнасықларын қадағалаўға алған. Егер қарыйдарлар менен төлем терминаллары бойынша ҳәм әмелге асырылған төлемлерге шек бермеў жағдайлары ушырасса, Қарақалпақстан Республикасы Мәмлекетлик салық басқармасыныӊ «Исеним телефоны» - (61) 222-00-33 ҳәм Нөкис қаласы мәмлекетлик салық инспекциясыныӊ  «Исеним телефоны»- (61) 222-00-66ға мүрәжат етиўлери мүмкин»,-  Нөкис қаласы мәмлекетлик салық инспекциясы баслығы орынбасары ­Ғ.Кадиров.

Нөкис қаласы ҳәкимлиги Мәлимлеме хызмети