Жаңалықлар







Туўылыў менен байланыслы мәмлекетлик хызметлерин композит тәризде көрсетиў тәртиби

Өзбекстан Республикасы Президентиниң 2020-жыл 18-февраль кунги 5938-санлы Пәрманына тийкар усы жылдың 2020-жылдың 1-апрелинен баслап барлық пуқаралық ҳалаты актлерин жазыў (ПҲАЖ) бөлимлери жумысларын системалы қадағалаў, маман кадрларды таңлаў ҳәм орны орнына қойыў ҳуқыкты қолланыў әмелиятын муўапықластырыў, ПҲАЖдың бирден-бир электрон архиви мәлимлеме системасын жургизиў Мәмлекетлик хызметлер агентлигиниң  қурамына өткизилди.

Буннан мақсет ПҲАЖ бөлими жумысларын шөлкемлестириў  ҳәм дурыс жолға қойыўдан ибарат болып есапланады. Бугинги кунде ПҲАЖ бөлимине муражаат етип пуқараларға сапалы ҳукықый  хызмет көрсетип халыққа көп ғана қолайлықлар жаратылмақта. Атап айтатуғын болсақ жаңадан туўылған перзентлеримизге туўылғанлық ҳаққында гуўалықларды  туўыў уйиниң туўылғанлық ҳаққында медициналық маглаўматнамасын ПҲАЖ бөлими электрон базасына электрон түрде жоллайды.

2020-жылдың 1-сентябрь күнинен баслап туўылғанлықты дизимге алыўда ўактында КОМПОЗИТ хызметлер жолға қойылған. Бунда нәрестени жергиликли поликлиникаға, турақлы  жасаў мәнзили бойынша  есапқа қойыў, баланы балалар бақшасына нәўбетке қойыў электрон тартипте әмелге асырылады. Пуқараларға комплекс ҳызмет көрсетиўде мекемелер ара интеграция жолға қойылған. Нөкис қаласы ПҲАЖ бөлиминде 11 ай ишинде 7011  туўылғанлық дизимге алынып 1571 некеден өтти.


Нөкис қаласы ПҲАЖ бөлими 2-дәрежели инспекторы
Д.Урдабаева