Жаңалықлар







«Өзбекстан-улыўма үйимиз»

24 декабрь күни Нөкис қаласы ҳәкимлиги басшылығында қаладағы 31-санлы улыўма билим бериў мектебинде «Өзбекстан-улыўма үйимиз» сүрени тийкарында «Дослық ҳәм мәденият» фестивалы  болып өтти.

Фестивальға Нөкис қаласы ҳәкимлиги, Бердақ атындағы Қарақалпақ мәмлекетлик университети туркмен тили ҳәм әдебияты кафедрасы, Қарақалпақстан Мусылманлар қазыяты,  Нөкис қалалық Руўхыйлық ҳәм ағартыўшылық бөлими, кореец, рус ҳәм де  қазақ Миллий мәдений орайлары ўәкиллери, улыўма билим бериў мектеплери оқыўшылары, мәкан пуқаралар жыйынлары қәнийгелери ҳәм жаслар қатнасты.

Кешени шөлкемлестириўден тийкарғы мақсет, Карақалпақстан Республикасы Министрлер Кенесиниң 2020-жыл 11-августағы арнаўлы ис-иләжы тийкарында жасларды түрли жат иллетлер тәсиринен қорғаў, оларды саламат пикир ҳәм миллий қәдириятларымызға садықлық, диний кеӊпейиллик ҳәм миллетлерара татыўлық руўхында тәрбиялаў, сондай-ақ «Саламат әўлад тәрбиясында миллетлерара татыўлықтың орны» атамасында илимий - әмелий семинар, «Биз сениң перзентиңбиз - Өзбекстан» атамасында миллий өнерментшилик көргизбеси, «Миллий ҳәм диний кеӊпейиллик – турақлылық факторы»,  «Күдиретимиз – бирлик ҳәм татыўлықта» ураны астында үгит – нәсият жумысларын алып барыўдан ибарат.