Жаңалықлар







Базарлардағы өнимлердиӊ баҳалары үйренилди

Өзбекстан Республикасы Олий Мажлиси Нызамшылық палатасы депутатлары, Олий Мажлиси Сенаты ағзалары, Нөкис қаласы ҳәкиминиӊ биринши орынбасары ҳәм басқа да тийийсли тараў ўәкиллериниӊ қатнасында «Нөкис дийқан базары»ндағы «Даладан дастурғанға шекем» ярмаркасында сатылып атырған азық-аўқат, сүт ҳәм гөш өнимлериниӊ баҳалары көзден өткерилди. Үйрениўлер даўамында сатыўшы ҳәм қарыйдарлар менен сәўбет жүргизилди.

Бир неше қарыйдарлар арзан гөш өнимлериниӊ баҳасы ҳәм сапасы бойынша өзлериниӊ миннетдаршылығын айтты. Соныӊ менен бир қатарда, бүгинги талаптан келип шығып айырым электрон төлемлерин әмелге асырыў имканиятларын және де кеӊейтиў илажларын жолға қойыў бойынша да тийисли тараў қәнигелерине усыныслар билдирилди.