Жаналыклар







«ҚАРАЎСЫЗ ҚАЛҒАН ДАРАҚЛАР»ҒА «ҚОРАҚАЛПОҚЙЎЛКЎКАЛАМ» УНИТАР КӘРХАНАСЫНЫҢ РӘСМИЙ ЖУЎАБЫ

«ҚАРАЎСЫЗ ҚАЛҒАН ДАРАҚЛАР»ҒА

«ҚОРАҚАЛПОҚЙЎЛКЎКАЛАМ» УНИТАР КӘРХАНАСЫНЫҢ РӘСМИЙ ЖУЎАБЫ

Нөкис қаласы Кызкеткен елаты аймағынан өтиўши А-380 «Гузар-Бухара-Нөкис-Бейнеў» халықаралық әҳмийеттеги автомобиль жолының 766-767-килеметри бойындағы дарақлардың қараўсыз қалдырылғанлығы бойынша “Устаз жолы” газетасында жәрияланған “Қараўсыз қалған дарақлар” атамасындағы сын мақалаға мүнәсибет ретинде төмендегилерди мәлим етип билдиремиз.

Өзбекстан Республикасы Президентиниң 2017-жыл 11-сентябрьдеги ПҚ-3262-санлы қарары тийкарында мәмлекетимиз аймағында автомобиль жоллары бойларын көклемзарластырыў жумысларын жетилистириў мақсетинде “Автомобиль жолларының архитектура-ландшафт конструкциясы ҳәм абаданластырыў системасын жетилистириў ис-илажлары ҳаққында”ғы қарары қабыл етилген еди. Усы қарар тийкарында “Қорақалпоқйўлкўкалам” унитар кәрханасы шөлкемлестирилди. Бул кәрхананың ўазыйпалары тийкарынан улыўма пайдаланыўдағы автомобиль жоллары бойларын көклемзарластырыў жумыслары қурайды. 

Жоқарыдағы мақалада сөз етилген Нөкис қаласы Кызкеткен елаты аймағынан өтиўши А-380 «Гузар-Бухара-Нөкис-Бейнеў» халықаралық әҳмийеттеги автомобиль жолының 766-767-килеметри бойындағы дарақлардың буннан 30-35 жыллар бурын егилгенлиги, бүгинги күнге келип, бул тереклердиң тәрбиясы ҳәм басқа да әтирапларын көклемзарластырыў жумыслары “Қорақалпоқйўлкўкалам” унитар кәрханасы тәрепинен әмелге асырылыўы белгиленген. Келеси 2020-жылдың бәҳәр мәўсиминде А-380 «Гузар-Бухара-Нөкис-Бейнеў» халықаралық әҳмийеттеги автомобиль жолының 766-767-километри бойындағы дарақларды сақлаў жумыслары, қосымша жаңа терек нәллери егилиўи ҳәм суўғарыў жумысларындағы машқалаларды сапластырыў ис-илажлары мәнзилли бағдарламаға киргизилген.

Быйылғы 2019-жыл есабынан бул аймақты суўғарыў жумыслары бойынша смета-жойбар ҳүжжетлери толық таярланып, ҳәзирги күнде заманагөй суўғарыў системасын, яғный, жер-қудықларын (скважина) иске түсириў бойынша тийисли жумыслар басланыў алдында тур.

Директор                                            Р.Уразов