Жаңалықлар







«27 жылдан соӊ арзыў-нийетим әмелге асты…»

 

Нөкис қаласы ҳәкимлигинде Нөкис қаласы прокуратурасы, Қаракалпақстан Республикасы Ишки ислер министрлиги миграция ҳәм пуқаралықты расмийлестириў басқармасы тәрепинен 18-ноябрь ‒ Өзбекстан Республикасының мәмлекетлик байрағы қабыл етилген күни мүнәсибети менен пуқаралық паспортларын тапсырыў салтанаты болып өтти.

Илажда Нөкис қаласы ҳәкими  ў.а. У.Панаев шығып сөйлеп, жыйналғанларды Өзбекстан Республикасының мәмлекетлик байрағы күни байрамы менен қутлықлады. Буннан кейин пуқаралыққа қабыл етилген шахслар ҳәм 16 жасқа толған жасларға пуқаралық паспортлары салтанатлы жағдайда тапсырылды.

- Бүгин  мениӊ 27 жылдан бери күткен арзыў-үмитлерим әмелге асып атыр. Бул ушын Ҳүрметли Президентимиз Шавкат Миромонович Мирзиёевқа Өзбекстан Республикасының пуқаралығына қабыл етилген шахслар атынан шексиз миннетдаршылық билдиремен. Елимиз тыныш, аспанымыз ашық болсын,- дейди Ксения Папова.

Нөкис қаласы ҳәкимлиги Мәлимлеме хызмети