Жаңалықлар







Мүрәжат үйренилип, қанаатлантырылды


Нөкис қаласы «Бестөбе»  мәкан пухаралар жыйынында жасаўшы пухаралар аймақдағы ишки жолдыӊ жарамсыз жағдайда екенлиги, көшеге түнги жақтыландырыў шырақларын орнатыў ҳәм басқа мәселелер бойынша телеграм социаллық тармағындағы  каналлардыӊ бири арқалы шағым арзасы менен мүрәжат етип, наразылығын билдирген еди.

Бул бойынша қала ҳәкимлиги, тийисли тараў ўәкиллери тәрепинен исбилерменлер менен биргеликте үйренип шығылып, Нөкис қаласы Абаданластырыў басқармасы ҳәмде исбилермен жәрдеми менен жолды оңлаў жумыслары алып барылды. Сондай-ақ, насаз түнги жақтыландырыў шырақлары басқасына алмастырылды.

Мағлыўмат ушын, усы аймақта, 2018 жыл «Абат мәҳәлле» дәстүрине тийкар, 10 көшеде 2,6 км жол оӊланды. Соннан 0,9 км аралыққа асфальтлаў, 1,6 км аралыққа қайта оӊлаў  жумыслары алып барылған.

 Нөкис қаласы ҳәкимлиги Мәлимлеме хызмети