Жаңалықлар







Ҳәр бир мүрәжат — итибарда

 

Телеграм социаллық тармағындағы  каналлардыӊ биринен "Биз Нөкис қаласы, 45-санлы МПЖ "Шадлы" аўылдан мүрәжәт етип атырмыз. Мәҳәллемизге келип турған газ трубасынан қасымыздағы теплица газ тартып алып атыр. Егер газ тартылса, өзи аз газ және азайып қалмайды ма?  деген мазмундағы мүражәт келип тусди.

Бул мүражәт Нөкис қаласы ҳәкимлиги, тийисли тараў қәнигелери менен биргеликде үйрениў жумыслары алып барылып, аймақ турғынлары менен ушырасыў өткерилди. Ушырасыўда “Шадлы аўыл” елатында газ басымы бойынша машқала жоқ екенлиги, сондай-ақ теплицаға газдыӊ тартылыўы газ басымына ҳеш қандай тәсир етпейтуғынлығы ҳаққында тусиник жумыслары алып барылды.

Бирақ, аймақда жасаўшы пуқаралар тәрепинен газ жалғаныў орнын өзгертирип бериўин сорады. Бул бойынша тараў қәнигелери менен биргеликде жумыслар алып барылып, тийисли ҳүжжетлер қайта көрип шығылды. Нәтийжеде газ жалғаныў орнына өзгерис киритилип, жергиликли халықтыӊ келисими алынды. Мүражәт қанаатлантарылды.

Нөкис қаласы ҳәкимлиги Мәлимлеме хызмети