Жаналыклар







УНИВЕРСИТЕТЕ ҲӘКИМ ҲӘМ ЖАСЛАР УШЫРАСЫЎЫ БОЛЫП ӨТТИ

УНИВЕРСИТЕТЕ "ҲӘКИМ ҲӘМ ЖАСЛАР" УШЫРАСЫЎЫ БОЛЫП ӨТТИ

Бугин Бердақ атындағы Қарақалпақ мәмлекетлик университетиниң мәденият сарайында «Ҳәким ҳәм жаслар» атамасында ушырасыў болып өтти. Ушырасыўда Нөкис қаласы ҳәкими Турешев Парахат Полатович, Өзбекстан Жаслар аўқамы Қарақалпақстан Республикалық Кеңеси баслығы, Қарақалпақстан Республикалық Жоқарғы Кеңеси депутаты, Сенатор Данияров Абатбай Сапарбаеви ҳәм пайтахтымыздағы сектор баслықлары, қалалық мәкеме, кәрхана, шөлкемлер басшылары қатнасып, пайтахтымыз жаслары, әсиресе, жәмлеспеген жумыссыз жаслар менен ушырасып, олардың машқалаларын анықлаў ҳәм өз ўақтында нәтийжели шешимине ерисиў бойынша қысқа мүддетте тийисли илажлар ислеп шығыў, жаслардың усыныс ҳәм пикирлерин тыңлап, қоллап-қуўатлаў барыў бойынша кең түрде пикир алысыўлар болды.

Ушырасыў даўамында жаслар тәрепинен тийкарынан жумысқа орналасыў, “Жаслар - келешегимиз” ҳәм “Ҳәр бир шаңарақ - исбилермен” жойбарлары тийкарында жеңиллетилген кредитлер алып өзлериниң исбилерменлик жумысларын баслаў бойынша сораўлар болды. Бул мүрәжатлар бойынша коммерциялық банклер, Жаслар аўқамы ҳәм басқа да тийисли тараў ўәкиллери толық мағлыўматлар берип, жасларды жаңа басламаларын бәрқулла қоллап-қуўатлаўға таяр екенликлерин билдирди. Бир қатар жаслардың мүрәжатлары сол орынның өзинде шешип бериў бойынша қала ҳәкими П.Турешев тәрепинен жуўапкер хызметкерлерге тийисли тапсырмалар берилди.

Сондай-ақ, ушырасыў даўамында Нөкис қалалық Бәнтликке көмеклесиў орайы тәрепинен Мийнет ярмаркасы да шөлкемлестирилип, усы күннин өзинде 8 жас жумыс пенен тәмийинленип, қала ҳәкими тәрепинен жаңа мийнет дәптершелери тапсырылды.

Нөкис қаласы ҳәкимлигиниң Баспасөз хаткери.