Жаңалықлар







ПРЕЗИДЕНТ МҮРӘЖАТНАМАСЫНДА БЕЛГИЛЕП БЕРИЛГЕН ТИЙКАРҒЫ ЎАЗЫЙПАЛАР ДОДАЛАНДЫ

ПРЕЗИДЕНТ МҮРӘЖАТНАМАСЫНДА БЕЛГИЛЕП БЕРИЛГЕН ТИЙКАРҒЫ ЎАЗЫЙПАЛАР ДОДАЛАНДЫ

Бүгин 5-февраль күни Нөкис қаласы ҳәкимлигиниң мәжилислер залында Өзбекстан Республикасы Президенти Ш.Мирзиёевтың Олий Мәжилис жоллаған Мүрәжатнамасында белгилеп берилген баслы бағдарлардан келип шығатуғын ўазыйпаларға бағышланған жыйналыс болып өтти.

Онда Олий Мажлис Сенатының комитет баслығы Б.Мәтмуратов, Сенат ағзалары Ш.Уснатдинов, Г.Аннаклычева, А.Данияровлар, Нөкис қаласы ҳәкими П.Турешев, сондай-ақ, жергиликли Кеңес депутатлары, қалалық мәкеме, кәрхана, оқыў орынлары менен өзин-өзи басқарыў уйымлары басшылары қатнасты.

Жыйналысты Қаракалпақстан Республикасы Жоқарғы Кеңеси комитет баслығы С.Турманов басқарып барды.

Илажда шығып сөйлегенлер Президентимиздиң Олий Мәжилис жоллаған Мүрәжатнамасында белгилеп берилген, жергиликли Кеңес депутатларының жумысларын және де жетилистириў,  халықтың арасына терең кирип, олардың турмысын үйренип, машқалаларын унамлы тәрепке шешиўге, жәмийетлик пикирди қәлиплестирип, мәмлекетимиздиң раўажланыўына өз үлеслерин қосыў бағдарындағы мәселелелер бойынша кең түрде түсиниклер берди.