Жаналыклар







ХАЛЫҚ ДЕПУТАТЛАРЫ НӨКИС ҚАЛАЛЫҚ КЕҢЕСИНИҢ БИРИНШИ СЕССИЯСЫ БОЛЫП ӨТТИ

ХАЛЫҚ ДЕПУТАТЛАРЫ НӨКИС ҚАЛАЛЫҚ КЕҢЕСИНИҢ БИРИНШИ СЕССИЯСЫ БОЛЫП ӨТТИ

Бүгин 13-январь күни Халық депутатлары Нөкис қалалық Кеңесиниң биринши сессиясы болып өтти. Сессия мәжилисине ҳәкимликтиң жуўапкер қәнигелери, бөлимлери, ҳуқық-қорғаў уйымлары, жәмийетлик шөлкемлери басшылары, пуқаралар жыйынлары баслықлары ҳәм ғалаба хабар қураллары ўәкиллери мирәт етилди.

Сессия жумысына Қарақалпақстан Республикасы Жоқарғы Кеңесиниң Баслығы Муса Тажетдинович Ерниязов қатнасты.

Сессияның күн тәртибинде:

- 2019-жыл 22-декабрь күни болып өткен сайлаўдың ҳәм 2020-жыл 5-январьдағы қайта даўыс бериўдиң нәтийжелери бойынша қалалық сайлаў комиссиясы баслығының есабаты ҳаққында;

- Нөкис қаласы ҳәкимин тайынлаў ҳаққындағы Қарақалпақстан Республикасы Жоқарғы Кеңесиниң Баслығының бийлигин тастыйықлаў ҳаққында;

- Халық депутатлары Нөкис қалалық Кеңесиниң Регламенти ҳәм турақлы комиссиялары ҳаққындағы Режесин тастыйықлаў ҳаққында;

- Халық депутатлары Нөкис қалалық Кеңесиниң турақлы комиссияларын дүзиў ҳаққында;

- Халық депутатлары Нөкис қалалық Кеңесине сайланған депутатлардың партия топарларын есапқа алыў ҳаққында;

- Қарақалпақстан Республикасы Жоқарғы Кеңеси, район ҳәм қалалық Кеңеслери Қоспа мәжилисине Мәсләҳәт кеңесине Нөкис калалық Кеңеси кандидатын усыныс етиў ҳаққында мәселелер додаланды.

Сессияда көрип шығылған мәселелер менен бир қатарда Нөкис қаласы ҳәкими етип Турешев Парахат Полатович сайланды ҳәм бул бойынша тийисли қарар қабыл етилди.