Жаналыклар







НӨКИСТЕ РЕСПУБЛИКАЛЫҚ БАЛАЛАР СОЦИАЛЛЫҚ РЕАБИЛИТАЦИЯЛЫҚ ОРАЙЫНЫҢ ФИЛИАЛЫ ШӨЛКЕМЛЕСТИРИЛДИ

НӨКИСТЕ РЕСПУБЛИКАЛЫҚ БАЛАЛАР СОЦИАЛЛЫҚ РЕАБИЛИТАЦИЯЛЫҚ ОРАЙЫНЫҢ ФИЛИАЛЫ ШӨЛКЕМЛЕСТИРИЛДИ

«Республикалық балалар социаллық реабилитациялық орайының Нөкис аймақлық филиалы жумысларын шөлкемлестириў илажлары ҳаққында»ғы Ҳүкиметлик қарар қабыл етилди. Бул ҳаққында «Ҳуқуқий ахборот» каналы хабар берди.

Қарар тийкарында, Нөкис қаласында Республикалық балалар социаллық реабилитациялық орайының аймақлық филиалы шөлкемлестирилди.

Мағлыўмат ушын, ҳәзирги ўақытқа шекем орайдың Қаршы, Самарқанд, Ферғана қалаларында аймақлық филиаллары болған.

Орай жумысларының тийкарғы бағдарларының бири физикалық имканиятлары шекленген балалар және социаллық ҳәм ҳуқықый тәрептен қәўипли топарларға киретуғын балалардың социаллық ийкемлесиў машқалаларын үйрениў, бул машқалаларды шешиў бойынша мақсетли комплексли бағдарламаларды ислеп шығыўдан ибарат.

Қарақалпақстан хабар агентлиги.