Жаналыклар







ДЕПУТАТТЫҢ ӘМЕЛИЙ ЖӘРДЕМИ

ДЕПУТАТТЫҢ ӘМЕЛИЙ ЖӘРДЕМИ

 2019-жылдың 22-декабрь күни парламентке ҳәм жергиликли кеңеслерге болып өткен сайлаўлардан соң халыктың өтиниш ҳәм тилеклерин, машқалаларын орынларда үйрениў ҳәм оларды шешиў мақсетинде ӨзЛиДеПтен сайланған депутатларымыз әллеқашан жумысқа кирисип кетти.  

 Халық депутатлары  Нөкис қалалық Кеңеси депутаты Қутлымурат Панаев та депутат болып сайланғанына көп ўақыт өтпей, Нөкис қаласындағы «Теле орай» мәкан пуқаралар жыйынындағы халықтың машқаласын шешиў мақсетинде 3,5 километр өтиў жолын ашып бериўде белсендилик көрсетти.  

Ҳәзирги күнде усы мәҳәлледе 10 мың 821 халық ҳәм 1 мың 735 хожалық жасап келмекте, – дейди  «Теле орай» МПЖ баслығы Ж.Атамуратов.

Мәҳәллемизге 82 көше бириктирилген. Усы мәҳәллеге көшип келгениме көп ўақыт болмады, – деди аймақ турғыны кексе нураный Тоқтарбай Жалғасбаев.   – Әтирапқа итибар берсеңиз, дәрьяның бойындағы пайызлы орынлар, ҳәмме бир-бири менен тыныш-татыў жасап келмекте. Перзентлеримиз ушын жаңадан мектеп ҳәм балалар бақшасы қурып берилди.

Өткен жылдың 2019-жыл 22-декабрь күни парламентге ҳәм жергиликли кеңеслерге болып өткен сайлаўларда ӨзЛиДеП партиясынан депутатлыққа талабанлығы усынылған  Қ.Панаев аймақ турғынлары менен ушырасқанда халықтың дәрти менен жасаўға, қуры ўәделер менен емес, бәлким әмелий ислери менен ҳәр тәреплеме жәрдемлер көрсететугынын атап өткен еди.

Көрип турғаныңыздай, ҳәзирги күнде  3,5 километрлик жолды тегислеў сүриў жумыслары алып барылмақта. Депутатқа айтқан мүрәжатымыз итибарсыз қалмады.

 ӨзЛиДеП Қарақалпақстан Республикасы Кенеси Баспасөз хаткери.