Жаналыклар







ПАЙТАХТЫМЫЗДАҒЫ МЕКТЕП ОҚЫЎШЫЛАР АРАСЫНДА II БАСҚЫШ ПӘН ОЛИМПИЯДАСЫ ӨТКЕРИЛМЕКТЕ

ПАЙТАХТЫМЫЗДАҒЫ МЕКТЕП ОҚЫЎШЫЛАР АРАСЫНДА II БАСҚЫШ ПӘН ОЛИМПИЯДАСЫ ӨТКЕРИЛМЕКТЕ

Усы жылдың 5-10-январь күнлери Нөкис қалалық Халык билимлендириў бөлимине қараслы улыўма билим бериў мектеплери оқыўшылары арасында II басқыш пән олимпиадасы өткерилмекте.

Пәнлер олимпиадасы тийкарынан пайтахтымыздағы 27-санлы улыўма орта билим бериў мектеби базасында болып өтпекте. Олимпиада 9-класс оқыўшылары арасында 19 пән бойынша, 10 ҳәм 11-класс оқыўшылары 15 пән бойынша өткерилмекте.

Пән олимпиадасына қатнасып атырған оқыўшылардың билим дәрежеси тийкарынан пән бағдарлары бойынша жазба, әмелий, тест жумыслары, аўыз еки ҳәм лаборатория жумыслары тийкарында алыр барылмақта. Сондай-ақ, пәнлердиң баҳалаў өлшемлерине қарап 2 ҳәм 3 турда өткерилмекте.

Пән олимпиадасына қатнасыўшы оқыўшылар тәрепинен ислеген жазба ҳәм тест жумыслары шөлкемлестириў комитети ағзалары тәрепинен шифр исленип ҳәр бир пәнге бекитилген төрешилер тәрепинен әдалатлы түрде баҳаланыўына айрықша итибар қаратылмақта.